(( مشاكل ))
كلمات: أحمد المري
الحان: فايز السعيد
سويتلي مشاكل000 سويتلي بلاوي
تشرب معاي وتاكل00ولحب غيري ناوي
قلبك قصه عجيبه 00ماله حب وحبيبه
تكره وتعشق عادي00انت وقلبك مصيبه
كنت احسبك لي صاحب00عاشق وقلبك ذايب
اليوم انا حبيبك--وبكره عشره حبايب
طيب وطبعك هادي00وانا معك في وادي
حيرتني باسلوبك00انت بشر مب عادي
------------------------------------------------
(( قورة التين ))
كلمات: عبدالله الشامسي
الحان: موسى محمد
قورة التين دوا لفواد خلي
صراية البين انا مقدر على فراقه
وين بلقاه ولا ادري وين حلي
اه ويلاه بعد القلب ماطاقه
سلبني غضيض شل عقلي
نور خده كان الصبح واشراقه
بو ثويبن امضرب له بتلي
وثوب الحسن له يزهى به ارناقه
يو العربان عقبهم عاد ملي
زاد شوقي وقلبي زادت اعواقه
يوم بيعود كان العيد هلي
حي ذا الشوق حي الخل واشواقه----------------------------------------------
(( جيتك على الموعد ))
كلمات: صاحب السمو الشيخ حمدان بن محمد بن راشد آل مكتوم (( فزاع ))
الحان: فايز السعيد
جيتك على الموعد ولا جيت00وش عل لقانا مانعنك
كنك عن الموعد تخليت000ياويل ياللي عاشقنك
ليتك لصوت المغرم اصغيت00اوتار صوته يعزفنك
كل حرف منك يستوي بيت 00باربع حروف ينطقنك
ياما على شانك تحديت00سود الليالي واسهرنك
منك انا لاحي لا ميت00لاميت ولا حي منك
يوم بنظر عيني تربيت00وامرت بامرك طايعنك
ليش التغلي والتعنيت00اهات صدري ماكفنك
لونك تباعدت وتقاسيت00لك في المحبه عكس ظنك
ان كان لي يوم وتمنيت00شوفة عيونك طالبنك
-----------------------------------------------
(( يا زعلان ))
كلمات: أحمد المري
الحان: فلكلور تطوير فايز السعيد
هالله هالله يازعلان00خف علينا شويه
حتى انا منك زعلان00بس انا اسال شويه
انت ساكن في عيني00وانت بهجة سنيني
شلي بينك وبيني00خلني افهم شويه
روف وارحم بحالي00دمعي غدر وسالي
الجفا منك طالي00وانا شلي بيديه
قلبي منك تعذب00في هواك وتغرب
والله منك اتعجب00كيف تزعل عليه
------------------------------------------
(( من درى بك ))
كلمات: أنور المشيري
الحان: فايز السعيد
لاتهددني بغيابك00 مل قلبي من عذابك
تبغى تبعد روح وابعد00 انت اصلا من درابك
كانك انت ماتبيني00ماله داعي تذل فيني
يعني لوماتبغى قربي00بابنا يوسع جنابك
لو محبتنا تبيها00هذا قلبي واحنا فيها
دامنا باول هوانا00حدد ارضك من سحابك
انا قلبي له كيانه00عمره عندي وله مكانه
له مكان في وسط صدري00ماهو ورده في كتابك-----------------------------------------------------------
(( اللي علي علي ))
كلمات: هاني عبدالكريم
الحان: وليد سعد
اللي علي علي وخلاص علي
مابقاش يفكر فينا طب خليه كده
لو عالتقل ده حيتعب كده
محنا برده بنعرف نتقل واكتر من كده
اه ياعيني ياليل قال عامل ناسينا
الله يرحم لما كان عايش عمره لينا
ليه وليه علينا فيه اتكبر علينا
ياما كان بيجري ورانا
بيبكي لو لقانا حزانا
يعني لما نبقى عشانه
يعلى وفي يومين ينسانا
------------------------------------------------------
(( فايز السعيد ))
كلمات: علي الخوار
الحان: فايز السعيد
فايز انا في حبكم0000وانا السعيد بقربكم
وان كنتوا مشتاقين لي 00انا اللي متولع بكم
اغني من عشق وهيام00واترجم احساسي كلام
وانتوا الهوى وانتوا الغرام00واغني من حبي لكم
في عيونكم عشت الحياه00ياروح فايز ياغلاه
وش يسوى هالكون وضياه00ان جيت انا وماشفتكم؟!
كلي لكم مهما يكون000 ياجمل واغلى عيون
عندي انا الدنيا تهون 00بس ماتهون عيونكم---------------------------------------------------------
(( ليش السكوت ))
كلمات: حسان العبيدلي
الحان: فايز السعيد
ليش السكوت 00000 وانته تموت
فيني غرام0000000ليش السكوت
فضفض وقول0000يا ابن الاصول
قبل الزمان00000عنا يفوت
والله حرام هذا الغرام انه يموت والله حرام
قلي ابيك واموت فيك لو بالعيون او بالكلام
تكفى تعال 000000تمضي الليال
وانته بعيد0000000تكفى تعال
دونك اكيد0000000 عايش وحيد
يكفي صدود 000000يا ابن الحلال
والله حرام هذا الغرام انه يموت والله حرام
قلي ابيك واموت فيك لو بالعيون او بالكلام
ياغلى حبيب 0000000حس بغلاك
انته هواي000000000وانته مناي
والله حرام هذا الغرام انه يموت والله حرام
قلي ابيك واموت فيك لو بالعيون او بالكلام----------------------------------------------------
((مدري شحصل فيني ؟ ))
كلمات: أنور المشيري
الحان: فايز السعيد
مدري اش حصل فيني من شافته عيني
ضيعت وصرت اسال ياهل ترى ويني
انحبست انفاسي واتغير احساسي
سحره سكن فيني من راسي لي ساسي
يمشي وفي حاله ماكني اقباله
وفقلبي بس كلمه ياليتني قباله
مايدري في يدينه لي روح مسكينه
وفخاطري حاجه ضيعتها في عينه
راح ورحل دوني مايدري بشجوني
بس قبل لايرحل ليته قرى عيوني
من قبل هالمره ماكنت وبالمره
اقبل في شيء اسمه الحب من نظره--------------------------------------------
(( شفت ياقلبي ))
كلمات: أنور المشيري
الحان: فايز السعيد
شفت ياقلبي وش جاك من صاحب باعك وراح
شفت ياقلبي وش جاك من حب لي بعك وراح
انت تهدي له حبك وهو للاسف رد هداياك بجراح
روح ياقلبي عنه دامها جتك منه
ابعد وقول انه مثل ماهم وانزاح
دام انا خلي قاسي ليش انا اعور راسي
يعني من كثر الافراح ولا قلة ماسي
انا بحيا حياتي لا احب لا احاتي
دام هذي المحبه مابحب الا ذاتي--------------------------------------------
(( بنت العرب ))
كلمات: علي الخوار
الحان: فايز السعيد
بوصيك لاتاخذ غريبه تمحنك لي ذكرت وطنها
لو كانت في قلبك حبيبه بنت العرب تغنيك عنها
بنت العرب منك قريبه محال يغريها زمنها
مثل الذهب دايم نجيبه لو غاليه فيها ثمنها
االطيب فيبها شاع طيبه والحسن مايوصف حسنها
وهمومك ان كانت صعيبه تنزاح لي قربت منها
بنت العرب عز وهيبه والدين ياصاحب ضمنها
في لجة البحر وغبيبه دانة غزر ترجح وزنها-------------------------------------------------
(( أعترفلك ))
كلمات: أنور المشيري
الحان: فايز السعيد
اعترفلك كنت في البدايه كنت ابتسلى فهواك
جيتك وقلبي معاي رحت وظل قلبي معاك
كنت لاهي كنت سالي كنت ماخذها تسالي
كنت ماشي بس فجاه طحت كلي في هواك
كنت ابيك تموت فيني واستلذ انك تبيني
كنت ابي تمشي ورايا صرت انا امشي وراك
مدري اسلوبك جذبني ولاهو طيبك غلبني
او انا مكتوبي اني ماحب حد سواك--------------------------------------------
(( أهل الهوى ))
كلمات: علي الخوار
الحان: فايز السعيد
ياهل الهوى والشوق حنو على الولهان
شوف بليا ذوق مايروي العطشان
باسم الهوى والذوق راعوا شعور انسان
لي في الغرام حقوق دام الهوى سلطان
اشكي لكم كل يوم في حبكم حيران
من شوفكم محروم ذقت العذاب الوان
جفني جفاه النوم وياالنجم سهران
من دعوة المظلوم خافوا من الرحمن
راعي الهوى مفتون مايحتمل هجران
اقسوا عليه بهون واخذوه بالاحسان
ليت الغرام يكون عادل مع الخلان
ياهل الهوى تكفون حنوا على الولهان-----------------------------------------
سامحوني على القصور
الموضوع الأصلي :
كلمات ألبوم (( مشاكل فايز السعيد 2006 ))
الكاتب :
صديق فايز
المصدر :
منتديات فايز السعيد
« آخـــر الـــمـــشـــاركــــات »
منذ /05-06-2006, 05:31 PM
العرض العادي
